પંખીડા તું ઉડી જાજે નાથદ્વારા રે. Pankhida tu udi jaje nathdware re gujarati bhajan lyrics in gujarati language

પંખીડા તું ઉડી જાજે નાથદ્વારા રે 

શ્રીનાથજીને જઈને કહેજે દર્શન આપે રે 

મારા ગામના સુતારી વીરા વ્હેલો આવજે રે 

મારા શ્રીજીને માટે રૂડા પલના લાવજે રે 

સારા લાવો સુંદર લાવો શોભે એવા રે 

શ્રી જીબાવાને જઈને કહેજે દર્શન આપે રે.. 

પંખીડા પંખીડા તું ઊડી જાજે મથુરા ગામ રે 

મહારાણી માને જઈને કહેજે દર્શન આપે રે 

મારા ગામના સોનીડા વીરા વ્હેલો આવજે રે 

મારા મહારાણી માટે રૂડા શણગાર લાવજે રે 

સારા લાવો સુંદર લાવો શોભે એવા રે 

મહારાણી માને જઈને કહેજે દર્શન આપે રે.. 

પંખીડા પંખીડા તુ ઉડી જાજે ચંપારણ ગામ રે 

મહાપ્રભુજીને જઈને કહેજે દર્શન આપે રે 

મારા ગામના કાપડિયા વીરા વ્હેલો આવજે રે 

મારા મહાપ્રભુજીને માટે રૂડા ઉપરણા લાવજે રે 

સારા લાવો સુંદર લાવો શોભે એવા રે 

મહાપ્રભુજીને જઈને કહેજે દર્શન આપે રે..

પંખીડા પંખીડા તું ઉડી જાજે ગોકુળ ગામ રે 

કાનુડાને જઈને કહેજે દર્શન આપે રે 

મારા ગામની ગોપીયું તમે વ્હેલા આવો રે 

મારા કાનુડાને માટે રૂડા માખણ લાવો રે 

તાજા લાવો સારા લાવો સુંદર લાવો રે 

કાનુડાને જઈને કહેજે દર્શન આપે રે.. પંખીડા..