રાખ ઉડી જવાની Rakh udi javani gujarati bhajan lyrics in gujarati language

મરનારની ચીતા ઉપર ચાહનાર કોઈ ચઢતું નથી. 

કહેશે સૌ મરીશું, પણ કોઈ મરતુ નથી.

લાશને બળતી જોઈ કોઈ આગમાં પડતું નથી, 

આગમાં તો શું પડે, પણ તેની રાખને પણ અડતું નથી.

ચીઠ્ઠી ફાટશે ઉપરવાળાની વેળા થાશે તારે જવાની, 

સગું કુટુંબ તારૂં ભેગું મળીને ચમચી પાણી પાવાની.

લોટ પાણીનો લાડવો મૂકશે જરૂર હશે નહી તારે ખાવાની, 

પાંચ પચ્ચીસ ભેગા થઈને કરશે ઉતાવળ કાઢી જવાની.

લાકડાં ભેગો બાળી દેશે હશે ઉતાવળ એને ન્હાવાની, 

હાડકાં લઈને હાલતા થાશે, રાખ તારી ઉડી જવાની.

બાર દી તારી મોકાણ કરીને પછી મિષ્ટાન ખાવાની, 

સ્વાર્થની સગી છે આ દુનિયા તને ઘડીમાં ભૂલી જવાની.

તેથી ભલાઈ કરતો જા આ જિંદગી ફરી નથી આવવાની