તારો નેડો લાગ્યો મુજને
તારો નેડો લાગ્યો મુજને રાજા રણછોડ રે
રાજા રણછોડ રે રંગીલા રણછોડ રે....તારો
અધમ ઓધારણ નામ તમારું માહતમ તેનું મોટું રે
હરતાં ફરતાં તુજને સમરું બાકી સર્વે ખોટું રે... તારો
કાશી દેખી દેખી દ્વારકા તીરથ દીઠાં ઝાઝાં રે
સતસંગતમાં બેઠો ત્યારે મનડે મૂકી માઝા રે....તારો
ભવસાગરમાં હું અથડાતો સગાંસંબંધી લૂંટે રે
દાસ ઉપર જે દયા કરો તો ભવનાં બંધન તૂટે રે....તારો
No comments:
Post a Comment