જાગને જાદવા કૃષ્ણ ગોવાળિયા Jagne Jadwa Krushna Govaliya

જાગને જાદવા કૃષ્ણ ગોવાળિયા, 

તુજ વિના ધેનમાં કોણ જાશે, 

ત્રણસેં ને સાઠ ગોવાળ ટોળે મળ્યા, 

વડો રે ગોવાળિયો કોણ થાશે

રે જાગને જાદવા... 

દહીં તણાં દહીંથરાં, ઘી તણાં ઘેબરાં, 

કઢિયેલ દૂધ તે કોણ પીશે, 

હરિ તારો હાથિયો કાળીનાગ નાથિયો, 

ભૂમિનો ભાર તે કોણ સહશે,

રે જાગને જાદવા.. 

જમુનાને તીરે ગૌધન ચરાવતાં, 

મધુરી શી મોરલી કોણ વગાડશે 

ભણે નરસૈયો તારા ગુણ ગાઈ રીઝયા, 

બૂડતાની નાવડી કોણ બનશે

રે જાગને જાદવા...