જુનું તો થયું રે દેવળ, જુનું તો થયું Junu to thayu ne deval junu to thayu

જુનું તો થયું રે દેવળ, જુનું તો થયું, 

મારો હંસલો નાનો ને દેવળ જુનું તો થયું. 

આ... રે... કાયા... રે હંસા ડોલવાને લાગી રે, 

પડી ગયા દાંત માંહ્યલુ રેખું તો રહ્યું... રે.. મારો હંસલો...

તારે...ને મારે હંસા પ્રીત બંધાણી રે,

ઊડી ગયો હંસ પિંજર, પડી તો રહ્યું.. મારો હંસલો... 

બાઈ મીરા કહે છે પ્રભુ ગિરધરના ગુણ 

પ્રેમનો પ્યાલો, તમને પાઉં ને પીઉં... મારો હંસલો...